جصيدة تدنن من الشعر الصعيدي

الحبيب الصعيدي

بحبك ، كيف ما خابرش ؟

وعلى فراجك ما جادرش

و من كتر الشوج خسيت

وآنى كنت تخين إبكرش

والحب يابوى بهدلنى

مرمطنى جوى وخرشمنى

وغرامك بيغرمنى

وماعدش معايا ولا جرش

شومة حبك بطحتنى

وجاموسة الشوج نطحتنى

والهوى جحشته رفستنى

ولجينى يا بوى ماصابرش

دورت عليك ياحبيبى

ع الفيس والجوجل سيرش

حبك غلبنى يا أبوووووووووووو...وووووى

وعلى فراجك ماجادرش

منقول

ما هو السبب العلمي لانقطاع التيار الكهربائي؟

حاول تركز شوية الموضوع مش سهل؟؟؟

هل هو تقصير من طرف الجهات الحكومية؟




لاااااااااااااااااا، أوعى حتى يخطر على بالك




هل هو الإهمال والفساد الذي استشرى في البلاد؟






يا نهارك مش فايت، أنت بتقول فساد!!!!!
هي بقت "ف ساد" أى "انتشر"





طيب يا سيدي ما تتعبش نفسك
السبب العلمي أهو موجود في الصورة
اتفرج يا سلام

رومانسية بالأرز

واحد بيقول لزوجته:
"أنا النهاردة عايز رومانسية فى البيت ..."
راحت الزوجة سألت أمها:
"يعنى إيه رومانسية يا ماما؟؟"
الأم :
"مش عارفة، بس احتياطي إنقعى الرز"

مره واحد تاجر كتاكيت ماشي بالعربيه وفيها كتاكيت، وقفته لجنه تموين وقال له المفتش: "الكتاكيت دي بتأكلهم ايه؟؟؟"
رد عليه وقال له : "ذرة يا بيه..."
فقال له المفتش: "انتو ما بتفهموش حاجة، الكتاكيت دي بتاكل علف..."
وراح عمله غرامة 1000 جنيه....راح مشي التاجر بالعربيه.
وهو في الطريق، وقفته لجنه تموين تاني،
وقال له المفتش: "انت بتوكل الكتاكيت دي ايه؟؟؟"
قال له: "بوكلهم علف يا بيه"
قام المفتش ادالوا كلمتين في جنابه، وقاله:
"انتو ما بتفهموش حاجة، الكتاكيت دي بتاكل ذرة..."
وقام عمل له غرامه 1000 جنيه.
بعد شويه وهو ماشي، وقفته لجنه تموين تاني،
وقال له المفتش: "انت بتوكل الكتاكيت دي ايه؟؟؟"
قال له: "يا بيه انا كل يوم الصبح، ادي كل كتكوت جنيه، ويروح ياكل اللي هو عايزه"

ثلاث توائم

وحدة حامل فى ثلاث توائم.
يوم الولادة الدكتورة بتطلع العيل الأول، لقته نايم وساكت.
قعدت تضريه على وشه لحد ما صرخ الطفل.
ركنته على جنب، وطلعت الطفل الثانى، لقته زى أخوه، قعدت تضربه لما فاق وركنته.

جت الدكتورة تدور على الطفل الثالث مالقتهوش. راحت ماشية، وقالت للممرضة:
"كملى لأنهم اثنين بس"

الممرضة جت تكمل، لقت الطفل الثالث طالع براسه بالراحة، وبيسألها:
"هي الست اللى بتضرب العيال مشيت ولا لسة"

عيد زواج في الصين

مرة واحد قال لصاحبه:
- عاوز أعمل مفاجأة لمراتي فى عيد جوازنا.
صاحبه:
- هتعمل لها إيه؟
- حوديها الصين.
- يا راجل فى عيد جوازكوا العاشر توديها الصين، أومال فى عيد جوازكوا الخمسين هتعمل ايه؟!!!
- حروح اخودها!

ابو العربى

ابو العربى قابل مذيعة قالت له انا سمعت كتير عن بطولاتك فى الحرب...
قالها طبعا ابو العربى يسد فى كل مكان فى 48 واليمن و56 و67 و73 والعراق...
قالت المذيعه طب هأسألك كام سؤال...
- لو انت فى الحرب وطلع عليك دبابتين ومعاك قنبلتين هتعمل ايه؟
-قالها: هادخل عليهم وأفجرهم
-طيب لو خمسه؟؟؟؟؟؟
قالها: هادخل عليهم بالسلاح الأبيض
-طيب لو اربع دبابات... و عشر عساكر... وطيارتين؟
قالها جرى ايه يا وليه هو مفيش حد بيحارب غيرى وللا إيه؟؟؟