تم رفع الصور لأني تأكدت من حرمانية رسم الكائنات ذات الروح
فمن اتقى الشبهات فقد استبرأ لدينه وعرضه، هذا والله أعلم
وللعلم أنا كنت فاكر الشبهات دي اللي هي المخدرات والخمر والزنا والحاجات دي، على أساس إن لما حد بيتقفش بهم، بيبقي مشبوة. كلام منطقي بردو، مش كده؟
بس ما تقلقوش، هاهريكم نكت وهجايص وهسس
وبالمرة نشيل منها الجنسيات والانتماءات كمان، علشان ما نبقاش بنغتابهم
انتظرونا في موضوع أخر، وربنا ييسر ويبقي حلال بقي
وأوعي وشك والطريق يا محترم
هناك 5 تعليقات:
قوم
يا شعب قوم قامت قيامتك
قولي مين نام نومة سيادت
كأنوي وصلي الفجر جماعه
انوي وادعي ساعة طاعه
قولي مين شاف ذل فخامتك
يا شعب قوم قامت قيامتك
ياشعب بطل أكل في بعض
لحمنا رخص من كتر العض
ياشعب خلص زمن الخوف
شيل الغمامه سلامة الشوف
ياشعب عيب إختشي
رجاله بطرح شفتشي؟
ياشعب نصه بطاله
قوم إعمللك إشتغاله
دا اللي مات واللي اتسجن
علشان عيونك يا بجم
أنوي وصلي الفجر جماعه
انوي وادعي ساعة طاعه
جميع التعليقات، والهسس، والتهجيص، والتهييس، تعبر عن رأي من كتبها وليس بالضرورة أن تعبر عن رأي صاحب المدونة،،،
يا باشا أنا ما ليش دعوة، هو اللي عايز الشعب يصلي الفجر، وكمان جماعة...عيب عليك يا محترم،
شعب إيه اللي يصلي؟ قال يصلوا قال؟
طيب لما يصلوا مين اللي هيتفرج على الماتشات والمسلسلات والأفلام والهشك بشك؟ مش مصروف عليهم فلوس بالعبيط من دم الشعب، ولا أنت يعني عايز تضرب الاقتصاد؟
وعلشان أخلص ذمتي، إن شاء الله هبقي أكتب لكم مين كركر ده في التاريخ القديم والحديث، أحسن حد يحسبه مناضل ولا حاجة....قال يصلوا قال؟؟؟
طبعا لازم نصلي الفجر عشان يمكن الصلي تفرج الكرب وتزيح الهم اللى بقاله 28 سنة ومع الصلاة نكنس ولامؤخدة عليهم السيده والحسين والسيد البدوي والمرسي ابو العباس كل حسب منطقته اهو منها نضافة ومنها نتجمع على حاجة وإذا كان الكنس مش جايب نتيجة يبقي ممكن نسيق بشبة وفسوخة وعرق حلاوة ورجل العفريت ولامؤخدة
ياشعب عيب إختشي
رجاله بطرح شفتشي؟
دا اللي مات واللي اتسجن
علشان عيونك يا بجم
وكمان بتغلط في الأوليا؟؟؟
أه يا عديم اللامؤاخذة...طيب لما نشيل الحسين؟ الناس تشرب شيشة وتاكل كوارع فين؟
ولما نشيل السيد البدوي؟ الناس تشتري حلاوة منين؟ وأنا متأكد إن دي مؤامرة لضرب الاقتصاد الطنطاوي العظيم.
ولما نشيل المرسي أبو العباس؟ الناس اللي في الأفلام يحلفوا بمين؟ وكمان على الحجار يغني لمين في اسكندرية ويطلب المدد من مين هناك؟
أنت شكلك عميل ياه..."عميل على جبني"
وخد بالك بقي من روحك، أحسن تنزل عليك لعنة الأوليا،
"وشلت يداي، شلت يداي...أنها سليمة..."
وبلاش أكمل المشهد، أحسن أكرر نفس قلة الأدب اللي الممثل كان بيعملها
فيه كاريكاتير اتكرر تلات مرات
إرسال تعليق